Pyetje: Çfarë rregullash ka për organizimin e dhomës së gjumit dhe ndikimi i pasqyrave në mjedisin fetar?
Përgjigja: Falënderimi i takon Allahut s.v.t., dhe përshëndetjet tona me salavate dhe selame ia dedikojmë të dashurit tonë, Muhamedit s.a.v.s., familjes së tij fisnike dhe shokëve të tij besnikë.
Përdorimi i pasqyrës është i lejuar në Islam, madje disa dijetarë e konsiderojnë atë mustehabb – të preferuar. Rrjedhimisht, edhe vendosja e saj në dhomën e gjumit nuk përbën asnjë problem. Kjo vlen për përdorimin e zakonshëm të saj. Nëse dikush zhvillon një fiksim apo obsesion ndaj shikimit në pasqyrë, atëherë kjo merr një trajtim tjetër nga ana fetare. Për një përdorim të zakonshëm dhe të moderuar, nuk ka asgjë të keqe.
Vallahu a’lem.
