Pyetja: Më pëlqen një vajzë në universitetin tim dhe thjesht dëshiroj t’i propozoj për martesë. Nuk ia di adresën; a mund ta ndjek fshehurazi për të mësuar se ku banon, apo mund t’i propozoj në një mënyrë të njerëzishme për martesë, thjesht për ta informuar atë? Apo mund t’i them: “A mund ta vizitoj shtëpinë tuaj sepse dëshiroj të martohem me ju?” Më jepni një përgjigje të saktë.
Përgjigjja: I gjithë lavdërimi i përsosur i takon Allahut, Zotit të botëve. Dëshmoj se nuk ka të adhuruar tjetër me të drejtë përveç Allahut, dhe se Muhamedi (salallahu alejhi ue selem) është rob dhe i Dërguari i Tij.
Është e preferueshme që një gruaje virgjëreshë t’i kërkohet dora për martesë përmes kujdestarëve të saj; megjithatë, është e lejueshme t’i propozohet asaj drejtpërdrejt nëse respektohen udhëzimet e duhura islame dhe nëse nuk ka frikë nga prania e tundimit (fitnes). Al-Umrani (Allahu e mëshiroftë) ka thënë në veprën al-Bayan fi Madhhab al-Imam al-Shafi’i: “Është e lejueshme që një gruaje t’i propozohet drejtpërdrejt, edhe nëse ajo ka kujdestarë.” [Fund i citatit].
Rrjedhimisht, është e lejueshme për ju që ta pyesni gruan rreth mundësisë për të vizituar shtëpinë e saj për shkak të dëshirës suaj për t’u martuar me të, duke respektuar etikën e duhur dhe udhëzimet islame.
Gjithashtu, është e lejueshme ta ndiqni gruan në mënyrë diskrete (pa rënë në sy) me qëllim që të zbuloni se ku ndodhet shtëpia e saj, në mënyrë që të mund të shkoni për t’i propozuar asaj.
Së fundmi, këshilla jonë për ju është që të respektoni zakonet dhe normat që ndiqen në vendin tuaj, për sa kohë që ato nuk bien ndesh me ligjin islam(sheriatin).
Allahu e di më së miri.
Burimi: https://www.islamweb.net/
