Pyetja:
A është i saktë hadithi: “Kush e fal sabahun me xhemat (në xhami) pastaj ulet dhe e përkujton Allahun derisa të lind dielli e pastaj fal dy rekate, ai fiton shpërblimin sikur të ketë kryer haxhin dhe umren”?
***
Përgjigjja:
Në lidhje me këtë hadith është bërë studim i gjatë përsa i përket anës së zinxhirit të tij. Për faktin se disa dijetarë e kanë konsideruar të mirë (hasen) e disa të tjerë e kanë konsideruar të dobët (daif).
Sido që të jetë kjo vepër në origjinë është legjitime. Qëndrimi yt derisa të lind dielli duke përmendur Allahun e Lartësuar është legjitim dhe saktësohet prej veprës së Pejgamberit ﷺ.
Ndërsa dy rekatet namaz, janë namaz i duhasë. Dhe namazi i duhasë saktësohet prej veprës së Pejgamberit ﷺ madje dhe prej vetë fjalës së tij ﷺ. E si rrjedhojë ky veprim është legjitim.
Nëse ky hadith është autentik, elhamdulilah, e në të kundërt ky veprim është legjitim edhe nëse ky hadith nuk saktësohet.
Shejh Salih Sindi, “Tri parimet”
Përktheu: Unejs Sheme
