Pyetje:
A duhet të jep Zekatin e Fitrit një person i varfër ose me të ardhura mesatare?
Përgjigje:
Falënderimi i takon Allahut, paqja dhe bekimet qofshin mbi të Dërguarin e Tij, mbi familjen dhe shokët e tij.
Nëse një person i varfër apo me të ardhura mesatare ka tepricë nga nevojat e tij dhe të atyre që janë nën përgjegjësinë e tij për natën dhe ditën e Bajramit, pas nevojave thelbësore si banesa, mjeti i transportit dhe të ngjashme, atëherë ai duhet ta japë Zekatin e Fitrit, sepse ka mundësi për ta dhënë.
I Dërguari i Allahut (paqja dhe bekimet e Allahut qofshin mbi të) e ka bërë obligim Zekatin e Fitrit në sasinë e një sa’a (rreth 2.5 – 3 kg) nga hurmat, elbi, qumështi i tharë apo rrushi i thatë, për çdo musliman, të lirë apo skllav, mashkull apo femër, të vogël apo të madh, siç transmetohet në dy librat e saktë të hadithit nga Ibn Omeri (Allahu qoftë i kënaqur me ta).
Ndërsa nëse ky person nuk ka tepricë nga nevojat e tij dhe të familjes së tij për natën dhe ditën e Bajramit, atëherë nuk i detyrohet Zekati i Fitrit, sepse Allahu nuk e ngarkon askënd përtej mundësisë së tij.
/Hoxhë Agim Bekiri/
