Pyetje:
A lejohet gënjeshtra për një qëllim të mirë, për shembull, për të fshehur ihlasin në veprat e mira, si agjërimi, duke thënë se ke ngrënë kur në fakt nuk ke?
Përgjigje:
Falënderimet i takojnë Allahut. Paqja dhe bekimet qofshin mbi të Dërguarin e Tij, Muhamedin, familjen dhe shokët e tij.
Gënjeshtra është një mëkat i madh dhe një cilësi e hipokritëve, siç përmendet në hadithe të shumta. Megjithatë, janë përmendur tre raste ku gënjeshtra lejohet:
1. Pajtimi mes njerëzve,
2. Në luftë,
3. Bashkëshortët ndaj njëri-tjetrit për të ruajtur marrëdhënien.
Pejgamberi ﷺ ka thënë:
“Nuk është gënjeshtar ai që i pajton njerëzit, që nxit në të mirë ose thotë fjalë të mira.” (Buhariu: 2546, Muslimi: 2605)
Gjithashtu:
“Gënjeshtra lejohet vetëm në tre raste: kur burri i flet gruas për ta kënaqur, në luftë dhe për të pajtuar njerëzit.” (Tirmidhiu: 1939, Sahih El Xhami: 7723)
Në rastin e përmendur në pyetje, është më mirë të shmanget gënjeshtra dhe të përdoren shprehje të përgjithshme ose të evitohet përgjigjja direkte. Fshehja e veprave të mira është e pëlqyeshme, por jo duke u bazuar në gënjeshtër.
Allahu e di më së miri.
/Dr. Adelina Kuçana /
