Mënyra e përcaktimit të fillimit dhe mbarimit të agjërimit në vendet në të cilat nuk ndërrohen dita dhe nata brenda njëzet e katër orëve
Kush ndodhet në një vend në të cilin nuk ndërrohen dita dhe nata gjatë njëzet e katër orëve, si për shembull në atë vend ku kohëzgjatja e ditës mund të jetë sa dy ditë, një javë, një muaj ose edhe më shumë, në këtë rast i përcaktohet ditës një kohë e caktuar dhe natës një kohë e caktuar, duke u bazuar në vendin më të afërt që kanë (në të cilin ndërrohen dita dhe nata), ashtu që shuma e përcaktuar për ditën dhe natën të jetë gjithsej njëzet e katër orë.
Kështu janë përgjigjur Ibn Bazi, Ibn Uthejmini e të tjerë dhe ky është vendimi i Akademisë Fikhore Islame.
Libri: “Tridhjetë çështje bashkëkohore fikhore rreth agjërimit” Përktheu: Agron Krasniqi
