Pyetja:
Jam shtatzëne në muajin e nëntë. M’i kanë propozuar dy emra: Orela dhe Melisa. A kanë kuptim këta emra për me ia vu një myslimaneje? Ju lutem, nëse keni mundësi të më tregoni më shpejt se jam afër lindjes e nëse nuk bëjnë këta emra mos t’ia vë.
***
Përgjigjja:
Allahu ju begatoftë me fëmijë të dëgjueshëm e të hairit, të dobishëm për veten, familjen dhe mbarë shoqërinë!
Sa i përket emrit Orela, nuk mendoj të ketë ndonjë kuptim në gjuhën arabe ose turke. Nëse është nga ndonjë gjuhë tjetër, duhet kërkuar kuptimin në atë gjuhë, andaj nuk jam kompetent të jap të dhëna për kuptimin e kësaj fjale. Duhet pasur parasysh se prej kritereve të emërtimit të fëmijëve, është që emri të ketë kuptim të mirë.
Kurse emri Melisa, mund të jetë nga gjuha arabe që ka kuptim diç që rrëshqet nga dora, e lëmojmë, e rrëshqitshme etj. Nëse emërohet njeriu me këtë emër cilësor, atëherë mund të thuhet se kuptimi do të ishte i shkathtë për të dalë nga situata të vështira, deri diku dinak etj.
Allahu e di më së miri!
Muhamed Dërmaku
