Pyetje:
Nëse e fal namazin pas burrit th burri imam, a më pranohet namazi nëse unë nuk lexoj asnjë sure, por vetëm ai i reciton? A duhet t’i lexoj edhe unë?
Përgjigja:
Falënderimi i takon Allahut. Paqja dhe bekimi i Tij qofshin mbi të Dërguarin e Tij.
Në namazet ku Kur’ani lexohet me zë në dy rekatet e para, si namazi i sabahut, akshamit dhe jacisë, nuk është e nevojshme që të lexosh sure, por duhet të dëgjosh imamin. Kjo bazohet në hadithin ku Profeti ﷺ ka thënë se imami është caktuar që të ndiqet.
(Hadithin e kanë transmetuar Buhariu dhe Muslimi.)
Allahu në Kuran thotë:
“Kur lexohet Kur’ani, ju dëgjoni atë (me vëmendje) dhe heshtni, në mënyrë që të fitoni mëshirë.”
[El-A’raf: 204]
Ndërsa në rekatin e tretë dhe të katërt të namazit të akshamit dhe jacisë, duhet të lexosh patjetër suren Fatiha.
Në namazet ku Kur’ani nuk lexohet me zë, si dreka dhe ikindia, edhe pse je me imam, duhet ta lexosh suren Fatiha në të gjitha rekatet, sepse imami nuk e reciton atë me zë.
Profeti ﷺ ka thënë:
“Nuk ka namaz për atë që nuk e lexon suren Fatiha.”
Pra, nëse fal namazin e sabahut me imam, nuk ke nevojë të lexosh, por vetëm dëgjon dhe ndjek imamin.
Në namazin e akshamit dhe të jacisë, në dy rekatet e para dëgjon imamin, ndërsa në rekatin e tretë dhe të katërt lexon suren Fatiha.
Në namazet e drekës dhe ikindisë, edhe pse je me imam, duhet të lexosh suren Fatiha në të katër rekatet, pasi imami nuk e reciton atë me zë.
Leximi i sureve të tjera përveç Fatihasë është sunet.
Dr. Adelina Kuçana
