Hoxha sqaron rregullat fetare rreth higjienës orale gjatë agjërimit dhe si ndikojnë mbetjet e mundshme të ushqimit në vlefshmërinë e tij.
Profeti sallallahu alejhi ve selam e kishte zakon të pastronte gojën me misvak (një copë druri me fije që shërben si furçë dhëmbësh).
Ai e kryente këtë veprim edhe kur ishte duke agjëruar.
Agjëruesi mund të pastrojë gojën në disa mënyra:
- Me misvak.
- Me furçë dhëmbësh.
- Me kunjë dhëmbësh ose çdo mjet tjetër të përshtatshëm.
Çfarë ndodh nëse gëlltitet diçka pa dashje?
Hoxha thekson se agjërimi nuk prishët në këto raste:
-
- Mbetjet e ushqimit: Nëse një copë ushqimi e mbetur mes dhëmbëve kalon në stomak së bashku me pështymën, agjërimi mbetet i vlefshëm.
- Pështyma: Gëlltitja e pështymës nuk e prish agjërimin.
- Uji i abdesit: Nëse pas shpëlarjes së gojës për abdes mbetet diçka prej ujit në gojë agjërimi nuk prishet.
“Dijetarët thonë se ai që merr abdes duke qenë me agjërim, e ka për detyrë ta nxjerrë ujin jashtë, por nuk e ka për detyrë ta thajë(terë) gojën plotësisht.”
/Hoxhë Dr Abdullah Nabolli/
