Ku është dallimi mes namazit të teravisë, kijamit dhe tehexhudit?
Namazi i natës quhet tehexhud, po ashtu quhet edhe kijam el-lejl, siç ka thënë Allahu i Madhëruar:
“Kaloje një pjesë të natës, si falje shtesë për ty (o Muhamed)!” (El-Isra, 79)
Po ashtu Allahu i Madhëruar thotë:
“O ti i mbuluar (o Muhamed)! Çohu (të falesh) gjithë natën, përveç një pjese të saj.” (El-Muzemmil, 1–2)
Dhe gjithashtu Allahu i Madhëruar, për robërit e devotshëm, thotë:
“Duke marrë atë që ua ka dhuruar Zoti i tyre, sepse më parë kanë qenë punëmbarë. Ata flinin pak natën.”(Edh-Dharijat, 16–17)
Sa i përket teravisë, sipas dijetarëve ajo është namaz nate (kijam el-lejl) që falet në netët e Ramazanit. Ajo fillon nga nata e parë e Ramazanit dhe është e preferuar që të mos zgjatet tepër për t’ua lehtësuar njerëzve. Lejohet që të quhet edhe tehexhud apo kijam el-lejl, dhe në këtë nuk ka kundërshtim mes dijetarëve.
Shejh Ibn Baz (Allahu e mëshiroftë) ka thënë:
Mexhmu’ el-Fetaua el-Mutenauia, vëllimi 1, faqe 317.
/Hoxhë Enis Beker Ruli/
