A është valid namazi i atij që rri ulur në namazin e teravive dhe pret që, kur imami të shkojë në ruku, tek atëherë ai të merr tekbir (për t’u lidhur në namaz) dhe të bëjë rukunë (me imamin), pra, pa e lexuar el-Fatiha-në?

Përgjigjja:

Nuk është valid, sepse e ka lënë ruknin e kijamit, ndonëse ka pasur mundësi ta kryejë atë. Kijami bie për atë që s’ka pasur mundësi ta arrijë imamin, shkaku i ardhjes me vonesë dhe, kur ka mbërritur, veçse e ka gjetur (imamin) në ruku, e ky, atëherë (lidhet dhe) bën ruku dhe për të kijami bie. Ndërkaq kur njeriu rri ulur e qëllimisht nuk çohet (për t’u lidhur në namaz) veçse (kur imami të jetë) në ruku, atëherë ky rekat nuk është valid, sepse e ka lënë një rukn pa pasur një arsye.

Shejh Salih el-Feuzan, “Sherḥu ṣifeti’ṣ-ṣalāti mine’l-‘umdeti”

Përktheu: hoxhë Mirsim Maliçi