Pyetja:

A i lejohet agjëruesit freskimi me ujë (gusli, larja kokës etj.) gjatë temperaturave të larta?

***

Përgjigjja:

Po, ky veprim është i lejuar për agjëruesin. I Dërguari i Allahut ﷺ hidhte ujë mbi kokën e tij nga i nxehti apo nga etja gjatë periudhës së agjërimit. [1]

Ndërsa Ibën Omeri, Allahu qoftë i kënaqur me të e lagte rrobën e tij që të largonte vapën e madhe apo etjen e cila e kaplonte gjatë periudhës sa ishte agjërueshëm.

D.m.th. lagështia nuk ndikon në prishjen e agjërimit pasi ky ujë nuk depërton në stomak.

Allahu është më i Dituri!

Shejh Ibn Uthejmin

Përktheu: Suad Shabani

———————————-

[1] Ebu Davudi