Dhënia e zekatit për xhaminë – Çfarë lejohet dhe çfarë jo?
Nëse xhamia ka caktuar një kuti specifike për dhënien e zekatit dhe më pas ato para shpërndahen tek ata që e meritojnë (8 kategoritë e përcaktuara në Islam), atëherë nuk ka asnjë problem.
Mirëpo, nëse ato para përdoren për interesat e xhamisë, atëherë nuk lejohet dhënia e zekatit në ato xhami, pasi shpenzimet dhe interesat e xhamisë nuk hyjnë tek kategoritë që kanë të drejtë të përfitojnë nga zekati.
Andaj, para se të dhuroni, duhet të pyesni se për çfarë shfrytëzohen paratë e zekatit. Nëse ato përdoren për pagesën e qirasë së xhamisë apo për mbulimin e shpenzimeve të saj, atëherë nuk lejohet dhënia e zekatit aty. Në këtë rast, mund të jepni sadaka, por jo zekat, pasi ky nuk mund të përdoret për shpenzimet e xhamive apo të shoqatave.
Megjithatë, si përjashtim, Shejkh Uthejmin (rahimehullah) ka thënë se nëse xhamia nuk ka të ardhura të tjera dhe është e domosdoshme për mbijetesën e saj, atëherë lejohet dhënia e zekatit, me qëllim që në atë vend të vazhdojë adhurimi ndaj Allahut. Përveç këtij rasti të veçantë, në të gjitha rastet e tjera, zekati nuk lejohet të përdoret për çështje që lidhen me interesat dhe dobitë e xhamisë.
Hoxhë Lulzim Perçuku
