Pyetja:
Për arsye mjekësore, më duhet të mbaj një kallëp plastik në dhëmbët e sipërm gjatë gjithë kohës (përveç rasteve kur ha bukë). Për shkak të kësaj, kur marr abdes, dhëmbët e mi të sipërm nuk kanë kontakt me ujin. Gjithashtu, kur lexoj gjatë namazit, nuk mund t’i shqiptoj në mënyrë të përsosur disa shkronja si “s” dhe “r”. A ndikon kjo në vlefshmërinë e namazit dhe abdesit tim? A duhet ta heq atë kur falem dhe kur marr abdes?
Përgjigjja:
I gjithë falënderimi i takon Allahut, Zotit të botëve. Dëshmoj se nuk ka të adhuruar tjetër me meritë përveç Allahut dhe se Muhamedi (salallahu alejhi ue selem) është rob dhe i Dërguari i Tij.
- Lidhur me Abdesin:Shpëlarja e gojës (Madmadah) realizohet duke futur ujin në gojë dhe duke e nxjerrë atë, madje edhe duke mbajtur pajisjen dentare të përmendur. Kjo vlen veçanërisht pasi pajisja kërkohet për trajtim mjekësor; prandaj, nuk duhet të shqetësoheni për këtë çështje. Abdesi juaj është i rregullt.
-
Lidhur me Shqiptimin e Shkronjave:
-
Nëse ndikimi në shqiptim është i vogël siç ndodh zakonisht atëherë kjo nuk përbën problem.
-
Megjithatë, nëse ndikimi është i madh deri në atë pikë sa pengon artikulimin e saktë të shkronjës, çështja kërkon shqyrtim të mëtejshëm:
-
Nëse pajisja mund të hiqet gjatë namazit pa shkaktuar dëm, atëherë ajo duhet të hiqet.
-
Nëse heqja e saj do të shkaktonte dëm apo vështirësi (për shkak të këshillës mjekësore që ndalon heqjen), atëherë ajo mund të lihet në vend dhe namazi mbetet i vlefshëm pavarësisht pranisë së saj.
-
-
Allahu e di më së miri.
Burimi: https://www.islamweb.net/ Solli ne gjuhen shqipe pergjigje.net
