Menstruacioni është një proces natyror që Allahu Subhanehu ue Teala e ka përcaktuar si pjesë të natyrës së gruas. Ky gjak rrjedh nga mitra në periudha të caktuara, pa qenë rezultat i ndonjë sëmundjeje, plage apo lindjeje.
Urtësia e krijimit të menstruacioneve lidhet ngushtë me ushqyerjen e fëmijës gjatë qëndrimit të tij në mitër. Gjakut i cili do të dilte si menstruacione, në rastin e shtatzënisë shndërrohet në burim ushqimi për beben përmes kordonit të kërthizës, i cili është i lidhur me placentën. Kjo placentë përmban damarë të hollë gjaku nga nëna dhe fëmija, të cilët funksionojnë me përpikmëri të lartë për të siguruar ushqimin e nevojshëm, pa u përzier mes tyre. SubhanAllah!
Për këtë arsye, gratë shtatzëna zakonisht nuk kanë menstruacione.
Pas lindjes, ky gjak transformohet dhe ndikon në prodhimin e qumështit të gjirit për të ushqyer foshnjën. Ndërsa, nëse gruaja nuk është shtatzënë apo nuk ushqen me gji, atëherë ky gjak del në periudha të caktuara, i njohur ndryshe si menstruacione (të zakonshmet apo të përmuajshmet).
Përgatiti: Stafi drejtues
Telegram: http://telegram.me/Dobifikh
