Pyetja:
Kam një vajzë 11 muajshe dhe shumë shpesh lodhet shumë, e kam pasur në vizita tek doktori dhe ka dalur se është gjithçka në rregull. Tani e kam kuptuar se unë po i bie mësysh dhe po ndihem shumë keq, sipas islamit si duhet të veproj në këtë rast?
***
Përgjigjja:
Po sigurisht se i bie edhe ti. Othmani (Allahu qoftë i kënaqur me të!) është transmetuar se i bënte ndonjë shenjë fëmijëve në ballë në mënyrë që të ua humbte bukurinë, t’i bënte më të pahijshëm.
Ndërsa ditëve të sotme ju dhe nënat e tjera mundohen të bëjnë cmos për t’i zbukuruar vajzat e tyre edhe pse atyre Allahu u ka dhuruar bukuri, dashamirësi e mençuri në natyrshmërinë e tyre dhe ju shkoni e zbukuroni e njerëzit gufojnë.
Andaj mos e vesh shumë mirë vajzën dhe fryji (këndoj Kuran) çdo ditë merre një gotë ujë dhe ia këndon Fatihan 7 herë dhe i fryen ujit, pastaj ajetul kursinë, Ihlasin (Kulhuvallahun) 3 herë, Felekun 3 herë, Nasin tre herë, dhe këta ujë ja jep për ta pirë. Ose e vendos ujin në një enë të madhe dhe i fryen e pastaj me ata ujë e pastron fëmijën, i fryen fëmijut edhe duke ia vendos dorën në gjoks dhe ia këndon të njëjtat sure. Po ashtu në vend të ujit mund t’ia fryesh edhe vajin e ullirit, i cili është shumë i shëndetshëm të cilin Allahu e ka quajtur: “Pemë të bereqetshme” dhe me të ia lyen gjoksin.
Nëse dyshon se ti i ke rënë mësysh e përdor një tjetër metodë. Merr abdes në një enë dhe pak ujë (nuk domethënë të gjithë ujin që e përdor) ia kthen vajzës mbrapa shpinës, natyrisht e përdor ujin e ngrohtë aq sa e duron fëmija, vetëm se duhet të jetë ujë nga abdesi apo gusuli juaj dhe të i kthehet mbrapa shpinës fëmijut.
Përdore disa herë këtë metodë e Allahu ta ruajtë fëmijun nga mësyshi sepse edhe mund ta mbys mësyshi, ashtu sic ka thënë Pejgamberi ﷺ: “Nëse do kishte diçka që do ia kalonte vdekjes, do të ishte mësyshi.”
Prandaj ai ﷺ i këndonte suren Felek dhe Nas për vetën e tij dhe fëmijët e vegjël për t’i ruajtur nga mësyshi. Kështu që duhet pasur kujdes mos t’i zbukurojmë shumë edhe me veshje ngase disa fëmijë nga natyra marrin mësysh shumë lehtë.
Dr. Shefqet Krasniqi
Comments are closed.