Pyetja:
Shumë të afërm dhe miq të të vdekurit e puthin atë. A ka ndonjë Sunet në lidhje me këtë? A mund ta puthë gruaja e tij apo jo?
***
Përgjigjja:
Falënderimi i takon Allahut.
Suneti i vërtetë tregon se lejohet puthja e të vdekurit pas vdekjes, qoftë ai i afërm apo tjetër. Lejohet që burrat të puthin burrin e vdekur, dhe lejohet për gratë të puthin gruan e vdekur. Transmetohet nga Aishja (Allahu qoftë i kënaqur prej saj!) se Profeti ﷺ e puthi Osman ibn Mazunin pasi vdiq dhe ai qau… [1]
Transmetohet nga Aishja (Allahu qoftë i kënaqur prej saj!) se Ebu Bekr es-Siddik (Allahu qoftë i kënaqur prej tij!) e puthi Profetin ﷺ pasi ai vdiq. [2]
Neveviu (Allahu e mëshiroftë) ka thënë: “Lejohet që familja dhe miqtë e të ndjerit ta puthin fytyrën e tij dhe ka hadithe të vërtetuara që flasin për këtë.” [3]
El-Hafizi (Allahu e mëshiroftë) ka thënë: “Ky hadith tregon se lejohet puthja e të vdekurit…”
Esh-Sheukani (Allahu e mëshiroftë) tha: “Kjo është për shkak se nuk ka asnjë raport që sugjeron se dikush nga sahabët e kundërshtoi Ebu Bekrin duke e bërë këtë, kështu që kishte konsensus për këtë çështje.”
Në mënyrë të ngjashme, nuk ka asgjë të keqe që gruaja ta puthë burrin e saj pasi ai të ketë vdekur.
Shejh Ibn Baz (Allahu e mëshiroftë) ka thënë: “Nuk ka asgjë të keqe të puthësh të vdekurin, nëse ai puthet nga një prej mahremeve të tij femër, ose nga një burrë, ashtu siç Ebu Bekri es-Siddik (Allahu qoftë i kënaqur prej tij!) bëri me Profetin (paqja dhe mëshira e Allahut qofshin mbi të)” [4]
Dhe Allahu e di më së miri.
islamqa.info
——————
[1] Ebu Davudi (3163); klasifikuar si sahih nga Albani në Sahih Ebi Davud.
[2] Buhariu (4457)
[3] Sherh el-Muhadhdheb (5/111)
[4] Mexhmu’el-Fetava (13/102)
