Pyetja: Kohët e fundit, kur isha jashtë qyteti për punë, vajza jonë (14 vjeç) pyeti se çfarë është seksi. Gruaja ime i tha që pas martesës, kur një burrë dhe një grua kan kontakt fizik dhe pjesët e tyre intime ndërveprojnë, të dy ata përjetojnë kënaqësi. Por pas disa ditësh, vajza pyeti se si duket pjesa intime mashkullore në jetën reale. Ne i thamë se Avreti (pjesët e turpshme) nuk bën të shikohen. Për të shuar kureshtjen e saj, gruaja u përpoq t’i tregonte një diagramë privatisht, por vajza refuzoi, duke thënë se ishte “vetëm një vizatim, jo një trup i vërtetë”. Tani, gruaja im propozon të bëjmë një video/foto të pjesëve intime të burrit (pa zbuluar identitetin) për të përmbushur kureshtjen e saj. Nëse nuk veprojmë shpejt, frikësohemi që kureshtja e saj mund ta çojë në burime të padëshiruara (si faqe interneti ose filma). Jemi shumë të hutuar se çfarë duhet të bëjmë?!
Përgjigja: Kjo pyetje paraqet një çështje të ndieshme që kërkon trajtim të kujdesshëm dhe të matur nga ana e prindërve. Në përputhje me parimet islamike dhe rekomandimet e pedagogëve dhe psikologëve, është thelbësore që prindërit të reagojnë në mënyrë të përshtatshme, duke shmangur ndjenjën tek fëmijët se pyetjet e tyre janë të padëshirueshme apo të turpshme. Megjithatë, duhet theksuar se nuk është e lejueshme të shfaqen pjesët private të trupit, as në mënyrë direkte dhe as përmes imazheve, pasi kjo është e ndaluar në Islam.
Së pari, është e rëndësishme të theksohet se kjo pyetje klasifikohet nga ekspertët e fëmijërisë si një “pyetje e ndjeshme” që fëmijët ndonjëherë e bëjnë. Pedagogët dhe psikologët kanë parashtruar disa udhëzime për prindërit dhe edukatorët në lidhje me trajtimin e pyetjeve të tilla, ndër të cilat më të rëndësishmet janë:
- Reagimi i qetë dhe i matur: Prindërit duhet të përgjigjen ndaj pyetjeve të tilla me një qëndrim të qetë dhe të balancuar, duke shmangur të tregojnë shenja të pakënaqësisë apo të lënë fëmijën të ndjejë se pyetjet janë të padëshirueshme.
- Vëmendje dhe respekt ndaj pyetjeve të fëmijës: Është e nevojshme që prindërit t’i kushtojnë vëmendje pyetjeve të fëmijës dhe t’i trajtojnë ato me seriozitet, në vend që t’i injorojnë ose t’i anashkalojnë.
- Identifikimi i burimit të pyetjes: Rekomandohet që prindërit të përpiqen të identifikojnë burimin e pyetjeve të tilla, në mënyrë që të mund të ndërmarrin hapat e nevojshëm për të larguar fëmijën nga vende të tilla dhe për ta mbrojtur atë nga ndikimet negative.
Në lidhje me pyetjen tuaj specifike, duhet të kuptoni se nuk është e lejueshme që t’i përgjigjeni dëshirës së vajzës tuaj për të parë pjesët intime të trupit. Në Islam, është e ndaluar që dikush të shikojë pjesët intime (Avreti ) të një personi tjetër, qoftë direkt ose përmes imazheve. Kjo sepse shikimi i imazheve të tilla mund të ketë të njëjtat pasoja negative dhe të nxisë të njëjtat dëshira si kur shikohen drejtpërdrejt. Prandaj, ju këshillojmë që të përpiqeni ta drejtoni vëmendjen e vajzës tuaj larg kësaj teme dhe ta bindni se nuk ka asnjë dobi në njohjen e këtyre gjërave. Gjithashtu, është e rëndësishme që të largoni fëmijën nga çdo mjedis i dëmshëm ose shoqëri e keqe që mund të kontribuojë në devijimin e saj. Për më tepër, rekomandohet që ta rrethoni atë me shoqëri të mirë dhe të ndërgjegjshëm, ta mbushni kohën e saj me aktivitete të dobishme, si memorizimi i Kuranit dhe marrja e njohurive fetare, dhe, kur të jetë e mundur, të filloni të mendoni për martesën e saj.
Allahu e di më së miri.
Burimi: ballkanweb.net / Solli në gjuhen shqipe: pergjigje.net
