Pyetja:
Ai nuk mund ta mbaj urinën dhe ulet në tepiha; cili është gjykimi i faljes së namazit mbi to?
Tek ne është një burrë që ka një problem në këmbë dhe është i papërmbajtur dhe ndonjëherë mban pelena për të rritur, por ndonjëherë nuk pranon t’i mbajë dhe thotë se nuk e ka problem. Ai zvarritet në të gjitha qilimat e shtëpisë. Cili është gjykimi që të ulemi në të gjitha qilimat dhe të ecim mbi to nëse kemi marrë abdes dhe të falemi mbi to?
***
Përgjigjja:
Falënderimi i takon Allahut.
Nëse i sëmuri është i sigurt se urina ka pushuar, nuk ka asgjë të keqe që ai të heqë pelenën dhe të ulet në qilim.
Parimi themelor është se duhet të supozohet se ai thotë të vërtetën, por nëse zbuloni se nuk është ashtu siç thotë ai dhe se një pjesë e urinës i del në qilima, atëherë duhet të jeni të kujdesshëm në lidhje me namazin, kështu që çdo njeri duhet t’i lajë këmbët para se të falet që të mos hyjë në to ndonjë papastërti dhe duhet të përdorë një qilim të pastër për t’u falur.
Parimi themelor në lidhje me këto qilima është se ato janë Tahir (të pastra) dhe nuk mund të gjykohen si të papastra vetëm për shkak se ka dyshime. Por nëse vërtetohet se ka ndonjë papastërti dhe dihet se ku është, dhe është shumë e vështirë për ta marrë dhe pastruar, atëherë mjafton që të hidhet pak ujë në vendin ku është papastërtia për t’u pastruar duke e derdhur aq sa ta mbulojë.
Nëse urina që ndodhet në këtë qilim etj., është e një djali që ende nuk ha ushqim të ngurtë, atëherë mjafton që të spërkatet me ujë për ta pastruar, derisa të mbulohet zona ku ndodhet papastërtia dhe nuk është thelbësore për ta shtrydhur ose larë atë. Nëse djali ha ushqim të ngurtë ose vjen nga një vajzë, nëse ha ende ushqim apo jo, atëherë duhet pastruar me larje, dhe mjafton të hidhet ujë në vendin ku është papastërtia, e nuk është kështu. thelbësore për të hequr tapetin ose për ta shtrydhur atë; kjo është si papastërti në tokë, sepse është vërtetuar në el-Sahihajn nga Enes ibn Malik se një beduin ka urinuar në xhami dhe Profeti ﷺ ka urdhëruar që të derdhet një kovë me ujë mbi urinën. [1]
Allahu e di më së miri.
Fatava el-Lejneh el-Da’imah (5/364)
Burimi: islamqa.com
———————————————————-
[1] Buhariu dhe Muslimi
