Pyetja:
A lejohet të agjërohet nëse je me menstruacione?
***
Përgjigjja:
Femra e cila ka menstruacione, nuk mund të agjërojë dhe nuk mund të falet, por nuk mund t’i bëjë as adhurimet tjera të cilat kërkojnë pastrim fetar. Këtë e vërteton edhe thënia e Pejgamberit ﷺ: ”A nuk ndalohet femra nga agjërimi dhe namazi, kur të jetë me menstruacione.” [1]
Për atë, edhe pse ndoshta femra ka dëshirë të agjërojë, kur është me menstruacione, e ka të ndaluar ta bëjë një veprim të tillë.
Pasi t’i kalojnë menstruacionet, do t’i agjërojë ditët të cilat i kanë ngelur pa agjëruar në Ramazan, ndërkaq namazet të cilat i kanë kaluar gjatë kësaj kohe, nuk i bën kaza.
Allahu e di më së miri.
Dr. Bashkim Aliu
—————————
[1] Buhariu
