Pyetja:
A ka ndonjë lutje të posaçme që bëhet për largimin e borxhit?
***
Përgjigjja:
Po, ka lutje të veçantë që bëhet kur njeriu është i ngarkuar me borxhe. Kur një ditë Pejgamberi ﷺ hyri në mesxhid, pa se një sahabi nga ensarët, Ebu Umame rrinte i mërzitur, e pyeti: “Nuk është vakti i namazit, përse ti je këtu tani?”
Ebu Umame u përgjigj: “O i Dërguari i Zotit, kam një shqetësim përbrenda dhe kam borxhe.”
Pas kësaj fjale, Pejgamberi ﷺ i tha:
– “A të ta mësoj një dua, e cila do të bëhet shkak për largimin e mërzisë dhe për pagimin e borxhit?”.
Kur Ebu Umame i tha ‘Po’,
Pejgamberi ﷺ ia mësoi që sabah – aksham (në mëngjes e në mbrëmje) ta thoshte këtë dua:
– “O Allah, kërkoj mbrojtjen Tënde nga mërzia, shqetësimi, dobësia (pafuqia), dembelia (përtacia), frika, koprracia, të qenit i shtypur nën borxhe dhe të qenit i shtypur nga njerëzit.” [1]
Allahu ju ndihmoftë në çdo çështje.
———————–
[1] Buhariu
