Besimi në rimishërim – një koncept i gabuar në Islam
Ky është një besim i kotë dhe i papranuar në Islam. Kur një njeri vdes, nëse është besimtar, shpirti i tij përjeton kënaqësi në varr së bashku me trupin. Ndërsa, nëse është jobesimtar, ai përjeton dënim në varr po ashtu me trupin e tij. Shpirti nuk mishërohet në një formë tjetër apo në një krijesë tjetër.
Ky besim është i pranishëm te hindusët dhe budistët, por fatkeqësisht ka depërtuar edhe te disa sekte brenda Islamit, siç janë sufitë. Megjithatë, një besimtar nuk lejohet të besojë në diçka të tillë, pasi kemi argumente të qarta që shpirti nuk mishërohet dhe nuk kalon tek një tjetër person apo krijesë.
Disa njerëz besojnë se nëse dikush ka qenë i mirë gjatë jetës së tij, pas vdekjes, shpirti i tij kalon tek një njeri tjetër i mirë dhe vazhdon kështu derisa të arrijë një nivel të lartë që ata e quajnë nirvana. Por ky është një koncept i gabuar, i cili bie në kundërshtim jo vetëm me fenë, por edhe me realitetin.
Pejgamberi salAllahu alejhi ue selem ka thënë se shpirti i besimtarit ha prej një peme të Xhenetit. Kjo do të thotë se shpirti i besimtarit nuk kalon diku tjetër, por gjen paqe dhe shpërblim tek Allahu.
/Hoxhë Lulzim Perçuku?
