🔘 Suneti para namazit të xhumasë 🔘
Shejhul-Islam Ahmed ibn Tejmije (Allahu e mëshiroftë) ka thënë:
Fjalët e Pejgamberit ﷺ nxisin që njeriu të falë namaz kur të hyjë në xhami ditën e xhuma, pa caktuar ndonjë kohë ose numër të veçantë të rekateve.
Siç ka thënë Pejgamberi ﷺ:
“Kush shkon herët në xhuma, ecën (në këmbë) dhe nuk hipën në mjet udhëtimi, … dhe fal aq namaz sa i është caktuar (sa i mundësohet)…”
Kjo është ajo që është transmetuar nga sahabët. Kur hynin në xhami ditën e xhuma, falnin aq namaz sa u jepej mundësia.
* Disa prej tyre falnin dhjetë rekate.
* Disa falnin dymbëdhjetë rekate.
* Disa falnin tetë rekate.
* E disa falnin më pak se kaq.
Për këtë arsye, shumica dërrmuese e imamëve janë pajtuar se:
Nuk ka para namazit të xhumasë një sunet të veçantë që të jetë i lidhur me një kohë të caktuar dhe me një numër të caktuar rekatesh.
Sepse një gjë e tillë mund të vërtetohet vetëm me fjalën ose veprën e Pejgamberit ﷺ, ndërsa ai nuk ka ligjësuar para xhumasë ndonjë namaz sunet të caktuar, as me fjalë e as me vepër.
Ky është mendimi i:
* Malik ibn Enes,
* Muhammed ibn Idris esh-Shafii dhe shumicës së dijetarëve të medhhebit të tij,
* si dhe është mendimi më i njohur në medhhebin e Ahmed ibn Hanbel.
Burimi:
Mexhmu’ el-Fetava, vëll. 24, f. 189.
