Pyetja:
A prishet agjërimi në qoftë se një njeri është duke fjetur dhe arrin orgazëm dhe si shpjegohet kjo në Islam. Desha të di a prishet agjërimi me faktin që unë kam qenë fjetur dhe ka ndodhur pa vetëdijen time! Jam 20 vjeçar, edhe paksa e çuditshme të ndodhë kjo.
***
Përgjigjja:
Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamedin ﷺ, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit!
Ejakulimi i spermës gjatë fjetjes nuk e prish agjërimin sepse Pejgamberi ﷺ ka thënë: “Është ngritur lapsi (nuk shkruhen mëkatet) për tre persona”, prej tyre ka përmendur edhe “ai i cili është fjetur deri sa të zgjohet”.
Pra, njeriu i cili zgjohet nga gjumi dhe e sheh se është bërë i papastër me daljen e spermës, ky person duhet të marrë gusël (të pastrohet me ujë) dhe të vazhdojë agjërimin sepse agjërimi i tij nuk i është prishur.
Nëse nuk gjen ujë, atëherë prapë vazhdon agjërimin dhe pastrohet në momentin kur të gjejë ujë për t’u pastruar.
Eroll Nesimi
