Pyetje:
A jepet sadakatuk-fitri për të sëmurët mendorë dhe a jepet fidje (shpagimi me racione ushqimore) për ditët që nuk i kanë agjëruar?
Përgjigje:
Falenderimi i takon Allahut:
1. Sadakatul-fitri për të sëmurët mendorë
Sadakatul-fitri jepet edhe për të sëmurët mendorë, sepse sadakatul-fitri është një obligim që lidhet me trupin dhe jo me gjendjen mendore të personit. Pra, edhe për atë që nuk ka kapacitet mendor (nuk ka aftësi për të kuptuar), kujdestari i tij ose familjarët duhet të japin sadakatul-fitër në emrin e tij, siç jepet për fëmijët, sepse kjo është përgjegjësi e kujdestarit.
2. Fidje për ditët e paagjëruara
Fidje (shpagimi me ushqim) nuk jepet për të sëmurët mendorë për shkak të mungesës së obligueshmërisë së agjërimit ndaj tyre.
Shpjegim:
Personi që ka sëmundje mendore të përhershme dhe nuk ka arritur të kuptojë detyrimet e fesë (pra është i papërgjegjshëm nga ana ligjore-fetare), nuk e ka farz agjërimin dhe nuk ka shpagim për ditët që nuk ka agjëruar. Allahu e ka falur këtë kategori nga obligimet, sepse Pejgamberi (paqja dhe lavdia qofshin mbi të) ka thënë:
“Është ngritur (hequr) lapsi (d.m.th nuk shkruhen mëkatet dhe detyrimet) nga tre veta: nga i fjeturi derisa të zgjohet, nga fëmija derisa të rritet dhe nga i çmenduri derisa të shërohet.”
[Hadith sahih, transmetuar nga Ebu Daudi dhe të tjerë]
Prandaj, ata nuk agjërojnë dhe nuk japin fidje. Fidja jepet vetëm nga të moshuarit ose të sëmurët kronikë që kanë kapacitet mendor por nuk munden të agjërojnë.
(Baza e kësaj fetfaje është marrë nga spjegimi i dijetarëve sikur shejh Muhamed b. Sahih el-Uthejmin dhe të tjerë)
Përktheu: Hoxhë Agim Bekiri
