Pyetje:
Kam dhimbje në këmbë dhe më dhemb kur eci. Kur eci, ndiej sikur po përkeqësohet procesi i shërimit dhe dhimbja më duket sikur po e dëmton atë. Do të lë një termin te mjeku, por mund të kalojnë ditë ose javë derisa ta marr terminin, kështu që a mund të falem në shtëpi ndërkohë?
Përgjigje:
Nuk ka asnjë mëkat mbi ju që të faleni në shtëpi për shkak të dhimbjes që përjetoni gjatë ecjes. Allahu i Lartësuar nuk i ngarkon robërit e Tij me obligime përtej mundësive apo kapacitetit të tyre.
Argumente nga Kurani Famëlartë
“Ne nuk ngarkojmë askend përtej mundësive të tij” (Kuran 23:62).
“Prandaj, frikësohuni Allahut sa të mundëni” (Kuran 64:16).
Arsyetimet e vlefshme sipas fukahave
Juristët (fukahatë) të cilët mbajnë qëndrimin se falja e namazit me xhemat në xhami është obligative, kanë përmendur shprehimisht arsyet e vlefshme që e lejojnë njeriun të përmbahet nga shkuarja në xhami. Ndër këto arsye janë sëmundja dhe frika se mos sëmuresh.
Al-Mardāwī deklaron në Al-Inṣāf:
“I sëmuri është i arsyetuar për mosmarrjen pjesë në namazin me xhemat dhe në namazin e xhumasë, pa pasur asnjë dallim mendimi. Po ashtu, ai që frikësohet se do të sëmuret është i arsyetuar nga pjesëmarrja si në xhemat, ashtu edhe në namazin e xhumasë.”
Shpërblimi i plotë edhe nga shtëpia
Duhet shënuar se ju do të vazhdoni të merrni shpërblimin e faljes me xhemat në xhami me lejen e Allahut përderisa keni qenë të zellshëm dhe të përkushtuar ndaj tij, por jeni penguar për shkak të sëmundjes. Kjo bazohet në thënien e të Dërguarit të Allahut (sallallahu alejhi ue selem):
“Kur robi sëmuret ose udhëton, shpërblimi i shkruhet njësoj siç ka punuar sa ka qenë vendas dhe i shëndoshë.” (Buhariu).
Këshillë: Nëse është e mundur, ju mund ta falni namazin me xhemat në shtëpi me familjen tuaj gjatë kohës së sëmundjes suaj.
Allahu e di më së miri.
Burimi: islamweb.net / Solli ne gjuhën shqipe pergjigje.net
