Pyetja:
Kur është bërë obligim agjërimi i muajit Ramazan?
***
Përgjigjja:
Agjërimi i muajit Ramazan është bërë obligim në vitin e dytë pas shpërmguljes në Medinë, ndërsa Pejgamberi ﷺ ka agjëruar nëntë muaj Ramazan.
Neveviu, Allahu e mëshiroftë, ka thënë: “I Dërguari i Allahut ﷺ ka agjëruar nëntë Ramazane, ngase agjërimi i tij është bërë obligim në muajin Shaban sipas hixhretit, ndërsa i Dërguari i Allahut ﷺ ka ndërruar jetë në muajin Rebiul evvel të vitit njëmbëdhjetë sipas hixhretit.” [1]
Allahu e di më së miri.
Dr. Shefqet Krasniqi
——————–
[1] El-Mexhmu’u, 6/250.
