Pyetja:
Nëse një person, i cili nuk është musliman, e jeton jetën e tij në këtë botë pa kryer mëkate të mëdha, dhe nga ana tjetër, ai kryen vepra të mira aq sa ka mundësi, ose thënë shkurtimisht, e jeton bukur jetën e tij në këtë botë, por pa e përqafuar Islamin. Çfarë trajtimi do të ketë ai person në ahiret?
A do ta ketë qëndrimin në xhenet për shkak të veprave të mira të kryera, apo do të jetë në xhehenem për shkak se nuk e ka pranuar Islamin (pavarësisht nëse ka ditur për Islamin apo jo) dhe nuk e ka manifestuar monoteizmin?
Unë do të doja që të ma shpjegoni këtë temë nëpërmjet përgjigjes suaj!
***
Përgjigjja:
Falënderimi i takon Allahut të Plotfuqishëm.
Xheneti është i ndaluar për atë që vdes si jo-musliman, duke iu referuar fjalëve të Allahut të Plotfuqishëm:
“… Sigurisht, atijqë adhuron tjetërkënd përveç Allahut, Allahu do t’ia ndalojë Xhenetin dhe strehim i tij do të jetë Zjarri. Për keqbërësit nuk ka ndihmës.” (Maide, 72)
Veprat e mira jobesimtarëve në ahiret nuk do tu ndihmojnë aspak, në bazë të ajeteve vijuese:
“Kush kërkon tjetër fe përveç Islamit, nuk do t’i pranohet, dhe ai në botën tjetër do të jetë i humbur.” (Al Imran, 85)
“Dhe Ne do t’u qasemi veprave që kanë bërë ata dhe do t’i shndërrojmë në pluhur e hi.” (Furkan, 23)
“Atyre që mohojnë shpalljet Tona dhe takimin në botën tjetër, do t’u zhvlerësohen veprat. A do të dënohen ndryshe, veçsesipas punëve që kanë bërë.” (Araf, 147)
Një pyetje të ngjashme me këtë e kishte paraqitur edhe hz. Aishja (Allahu qoftë i kënaqur me të!), e cila transmeton se e kishte pyetur Pejgamberin ﷺ: “O i Dërguari i Allahut, në periudhën e xhahilijetit, Ibn Xhud’an është kujdesur për farefisin e tij dhe i ka ushqyer të varfrit. A do të përfitojë ai prej kësaj (në botën tjetër)?” Pejgamberi ﷺ i kishte thënë: “Ai nga kjo nuk do të ketë dobi, sepse kurrë nuk ka thanë: “O Zoti im, m’i fal mëkatet e mia në Ditën e Gjykimit!” [1]
Megjithatë, nëse një jobesimtar nuk ka dëgjuar asgjë në lidhje me Islamin, as nuk e ka ftuar askush për ta pranuar atë, në atë rast, Allahu i Plotfuqishëm do ta pyes dhe sprovojë atë në Ditën e Gjykimit.
Allahu e di më së miri.
Shejh Muhamed Salih el-Munexhxhid
Përktheu: Miftar Ajdini
—————————————————-
[1] Muslimi, 214.
