Pyetja:
Dikush më ka thënë se është më mirë që namazin e jacisë ta falim më vonë por nuk më ka dhënë ndonjë argument. A mund të më tregoni ju të saktën?
***
Përgjigjja:
Nëse është fjala për vonimin e namazit të jacisë me xhemat (jo vetëm një individ) kjo është prej sunetit. Ashtu siç ka ardhur në hadith se kur Pejgamberi ﷺ e ka parë se janë mbledhur njerëzit në kohën kur ka hyrë namazi i jacisë atëherë ai ka shpejtuar dhe ua ka falur namazin, ndërsa nëse ka vrejtur se njerëzit ende nuk janë mbledhur e ka shtyer namazin për më vonë. Shejh Ibn Uthejmini thotë lejohet shtyerja e namazit të jacisë kur kjo bëhet me xhemat, po ashtu lejohet për gruan e cila falet në shtëpi dhe për atë grup muslimanësh të cilët udhëtojnë apo mblidhet dikund për piknik. [1]
Dhe në një hadith tjetër tregohet se Pejgamberi ﷺ e ka preferuar ta vonojë namazin e jacisë. Mirëpo vonimi i jacisë ka ndodhur deri në gjysmën e natës ashtu siç ka ardhur në një hadith se Pejgamberi ﷺ ka thënë: “Koha e jacisë është deri në gjysmën e natës.”
Gjysma e natës është për qëllim deri afërsisht orës 12 sipas disa dijetarëve që e kanë përcaktuar mirëpo jo të shtyhet më shumë. Me vonim e ka për qëllim namazin me xhemat kjo është nga suneti, jo të lëmë ne namazin në xhami në kohën e tij e pastaj të falemi më vonë në shtëpi.
Këto ishin disa nga hadithet që përmenden në lidhje me vonimin e namazit të jacisë. Përndryshe siç ka thënë Pejgamberi ﷺ: “Namazi më i mirë është ai që falet në kohën e tij.”
Allahu e di më së miri.
Hoxhë Zejd Haziri
——————————-
[1] Kushtet e fesë
Comments are closed.