Ai dëshiron të bëhet një shpikës (zbulues), në mënyrë që të mund të zgjidhë të gjitha problemet!

Pyetja:

Unë dua të bëhem një shpikës dhe të përfitoj komuniteti im musliman kudo. A do të thotë apo a tregon hadithi i të Dërguarit ﷺ, “Për çdo sëmundje ka një ilaç”, se për çdo problem ka një zgjidhje? A lejohet të besosh dhe të jesh i sigurt se çdo problem ka zgjidhje? A lejohet të besohet se një individ mund të mos jetë në gjendje të zgjidhë një problem edhe nëse ai mbështetet në Allahun, dhe a bie kjo në kundërshtim me mbështetjen në Allahun, qoftë i Lartësuar? Çfarë këshille mund të më jepni, pasi dua të futem në fushën e shpikjes së gjërave?

***

Përgjigjja: 

Falënderimi i takon Allahut.

Muslimani duhet të përpiqet shumë dhe të kërkojë dituri për t’i sjellë dobi vetes dhe ummetit të tij, në fushën për të cilën ai beson se ka aftësi dhe interes. Ai duhet të kuptojë se shumë degë të shkencës dhe teknologjisë janë detyrime të përbashkëta, dhe se ai do të shpërblehet nëse ka një qëllim të mirë (nijet) për ta bërë këtë.

Ndjekja e njohurive i nënshtrohet rregullave të mëposhtme:

Mësimi mund të jetë një detyrim individual. Kjo i referohet mësimit të asaj që është thelbësore për muslimanin për të praktikuar fenë e tij dhe për t’i bërë veprat e tij sinqerisht për hir të Allahut, qoftë i Lartësuar, ose për të bashkëvepruar me njerëzit e tjerë. Është e detyrueshme për çdo burrë dhe grua të përgjegjshme – pasi të mësojë parimet themelore të Islamit, të cilat do ta bëjnë besimin e tij (akiden) të shëndoshë – të mësojë atë që do t’i bëjë të shëndosha dhe të sakta ibadetet dhe ndërveprimet e tij me të tjerët, siç është abdesi, gusli, namazi dhe agjërimi; vendimet e zekatit dhe haxhit, për ata për të cilët këto ibadete bëhen të detyrueshme; dhe rëndësinë e të pasurit qëllim të shëndoshë gjatë kryerjes së akteve të adhurimit për Allahun. Është e detyrueshme që tregtarët dhe biznesmenët t’i mësojnë rregullat e blerjes dhe shitjes, në mënyrë që të shmangin çështjet dhe veprimet e paqarta që janë mekruh (të papëlqyeshme) në të gjitha transaksionet e tyre. Në mënyrë të ngjashme, ata që ndjekin zanatet dhe profesionet, dhe kushdo që punon në një fushë të caktuar, duhet t’i mësojë rregullat në të, në mënyrë që të shmangë çdo gjë në fushën e tij që është haram.

Ndjekja e diturisë mund të jetë një detyrim i përbashkët (d.m.th., duhet të ketë disa në komunitet që i mësojnë këto gjëra, përndryshe të gjithë do të konsiderohen si dëshpërues dhe mëkatarë), që i referohet mësimit të çdo dege të dijes që njerëzit nuk mund të bëjnë pa të në botën e tyre, çështjet si, mjekësia, kontabiliteti, gramatika, gjuha arabe, mënyrat e recitimit të Kur’anit (kirajetet), isnadet e hadithit, e kështu me radhë.

Rekomandohen disa lloje mësimi. Kjo përfshin studimin e thellë të fikhut dhe shqyrtimin e çështjeve të tij delikate, dhe studimin e thellë të degëve të tjera të dijes islame.

Disa lloje të të mësuarit mund të jenë haram, të tilla si mësimi i arteve magjike, gjeomancia, magjia, falli.

Disa lloje të të mësuarit mund të jenë mekruh, si p.sh. të mësuarit e poezisë romantike që përshkruan gra specifike që përmenden me emër.

Disa lloje të mësimit mund të jenë të lejueshme, si p.sh. poezia në të cilën nuk ka asgjë të qortueshme, si për shembull nënçmimi i një muslimani ose ekspozimi i gabimeve të tij dhe të ngjashme. [1]

Ne ju këshillojmë që t’i frikësoheni Allahut të Lartësuar dhe të përpiqeni fort në atë që jeni të interesuar të bëni dhe të kërkoni shpërblimin tek Allahu i Lartësuar duke u sjellë dobi muslimanëve.

Për sa u përket problemeve, njerëzit mund të gjejnë zgjidhje për to ose jo, por kushdo që sinqerisht mbështetet në Allahun dhe mbështetet tek Ai për diçka, Allahu do ta ndihmojë dhe do t’ia lehtësojë, siç thotë Allahu i Lartësuar: “Atij që i frikësohet Allahut, Ai do t’i gjejë rrugëdalje (nga çdo vështirësi) dhe do t’i japë risk prej nga nuk e pret. Allahu i mjafton kujtdo që mbështetet tek Ai. Allahu e përmbush me siguri vendimin e Tij dhe për çdo gjë Ai ka caktuar masë.” (Talak: 2-3)

Pra, kush i mbështetet Allahut xh.sh., Ai do t’i mjaftojë dhe do ta udhëzojë dhe ka shpresë se do ta gjejë zgjidhjen për problemin me të cilin përballet. Por mbështetja e tij në Allahun mund të jetë e dobët, si rezultat i së cilës ai nuk do ta arrijë atë që kërkon.

Tevakkul (mbështetja në Allahun) do të thotë të besosh sinqerisht dhe me gjithë zemër tek Allahu, duke marrë masat e duhura.

Ibnul Kajjimi (Allahu e mëshiroftë) ka thënë: “Shokët e afërt të Allahut dhe ata që janë më të afërt me Të mbështeten tek Ai në lidhje me përhapjen e besimit, në lidhje me mbështetjen e fesë së Tij dhe shpalljen supreme të fjalës së Tij, dhe kur përpiqen kundër armiqve të Tij dhe ata i besojnë Atij kur bëjnë atë që Ai e do dhe zbatojnë urdhrat e Tij.

Ata që janë nën ta në status mbështeten tek Ai për t’i ndihmuar ata të përmbahen në rrugën e drejtë dhe të ruajnë lidhjen e tyre me Të, por ata nuk shqetësohen për njerëzit e tjerë.

Ata që janë nën statusin e tyre mbështeten tek Ai për të përmbushur ndonjë nevojë specifike që Ai mund t’ua plotësojë, si furnizim, mirëqenie, mbështetje kundër një armiku, gjetja e një gruaje ose lindja e një fëmije, e kështu me radhë.

Ata që janë poshtë tyre në status mbështeten tek Ai për të arritur atë që është mëkatare dhe imorale. Ata që merren me arritjen e këtyre gjërave zakonisht i arrijnë ato vetëm duke kërkuar ndihmën e Allahut dhe duke u mbështetur tek Ai; në fakt mbështetja e tyre në Allahun mund të jetë më e fortë se ajo e shumë prej atyre njerëzve që bëjnë akte adhurimi dhe bindjeje. Prandaj ata marrin shumë rreziqe dhe e vënë veten në rrugën e rrezikut, duke u mbështetur në Allahun për t’i mbajtur ata të sigurt dhe të shëndoshë dhe për t’i ndihmuar ata të arrijnë objektivat e tyre.

Kushdo që është i sinqertë në mbështetjen e Allahut për të arritur diçka, do ta arrijë atë. Nëse ai synim është diçka që Allahu e miraton dhe është i kënaqur me të, atëherë pasojat do të jenë të mira, por nëse është diçka e papëlqyeshme dhe e urryer për Të, atëherë ajo që ai ka arritur përmes mbështetjes tek Ai do të jetë e dëmshme për të. Nëse është e lejuar, ai do të arrijë bekimin e mbështetjes në Allahun, por nuk do ta arrijë bekimin e asaj që e ka arritur përmes kësaj, përveç nëse e përdor atë në bindje ndaj Allahut. Dhe Allahu e di më së miri.” [2]

Me anë të besimit në Allahun dhe marrjen e masave të plota të duhura, muslimani mund të arrijë atë që dëshiron për zgjidhjen e çdo problemi.

Por ai duhet të kuptojë se një person mund të mos jetë në gjendje të gjejë një mjet të përshtatshëm për të zgjidhur problemin e tij, sepse kjo është një bekim që Allahu ia jep kujt të dojë. Dhe ai mund të mos jetë në gjendje të mbështetet siç duhet tek Allahu.

Allahu i Lartësuar mund t’i japë ose jo njeriut atë që kërkon, në bazë të urtësisë së Tij, qoftë i Lavdëruar dhe i Lartësuar.

Lusim Allahun t’ju udhëzojë, të ndihmojë dhe të bëjë që t’i bindeni Atij dhe t’u sjellni dobi robërve të Tij.

Dhe Allahu e di më së miri.

islamqa.info

————-

[1] el-Mawsou’ah el-Fikhijah (13/5)

[2] Medarixh es-Saliken (2/114)