Personit që sillet keq me prindërit, a i pranohen namazi, agjërimi dhe sadakaja?

Pejgamberi ﷺ ka thënë: “A t’ju tregoj se cilat janë gjynahet më të mëdha? Idhujtaria ndaj Allahut dhe sjellja e keqe me prindërit. Profeti ishte i mbështetur pastaj u ul dhe tha: “Vini re, fjala e rrejshme dhe dëshmia e rrejshme.” [1]

Është detyrë e fëmijës që t’i falënderojë prindërit e tij, t’i respektojë dhe tu bindet në gjërat e lejuara. Është e ndaluar të sillet keq me ta, si me fjalë ashtu dhe me vepër. Kjo vepër e shëmtuar, nuk e prish namazin, agjërimin dhe as veprat e mira. Por vepruesi i saj është në rrezik për veprimin e këtij gjynahu të madh. Punët e mira i shkatërron shirku i madh, sharja ndaj Allahut, sharja e Pejgamberit ﷺ, sharja dhe fyerja e dispozitave islame, kundërshtimi i sunetit të Pejgamberit ﷺ, lënia e namazit, po ashtu mund t’i shkatërrojë punët.

Shejh Ibn Baz

Përktheu: Arjan Gazidede

—————————–

[1] Mutefekun alejhi