Pyetja:
Cila është dispozita (hukmi) e leximit të Kuranit me rregulla të texhvidit si dhe dispozita e leximit të haditheve profetike në formë poezie dhe tërheqëse (duke zbukuruar zërin)?
***
Përgjigjja:
Pëlqehet leximi i Kuranit me rregulla të texhvidit, sepse leximi me texhvid zbukuron leximin e tij si dhe është më i saktë (larg gabimeve në shqiptim etj), mirëpo duke mos e tepruar (ekzagjeruar) në rregullat e texhvidit (zgjatimet dhe rregullat tjera) por duke qenë mesatar në zbatimin e rregullave gjatë leximit të Kuranit.
Ndërsa, leximi i haditheve në formë poezie dhe zbukurimi i zërit gjatë leximit të haditheve është një gjë e mirë dhe nuk prish punë fare sepse përmes kësaj njerëzit kënaqen në dëgjimin e haditheve, porse edhe këtu duke mos i tejkaluar kufitë por duke qenë mesatar.
Shejh Dr. Salih bin Feuzan el Feuzan
Përktheu dhe përshtati nga arabishtja: Suad B. Shabani
