Pyetja:
Jam një vajzë që kam dëshirë ta vë hixhabin, por familja nuk më lejon. Çfarë të bëj?
***
Përgjigjja:
Bëj dua që Allahu ta udhëzojë familjen tënde që të lejojnë ta vësh mbulesën e nëse ata nuk të lejojnë atëherë Allahu ta lehtësoftë martesën me ndonjë musliman të ndershëm i cili ta lehtëson mbulesën. Pejgamberi ﷺ ka thënë: “Nuk ka bindje ndaj krijeses, në mëkatimin e Krijuesit.” [1]
Dhe, dije motër se zbulimi i kokës është prej mëkateve të mëdha e familja juaj nuk mund t’ju mbrojnë nga zjarri i xhehenemit, por sillu mirë me ta derisa t’i bindësh se mbulesa është nder i muslimanes. Allahu i Madhëruar thotë: “O ti Pejgamber, thuaju grave tua, bijave tua dhe grave të besimtarëve le të vëjnë shamitë (mbulojë) e veta mbi trupin e tyre, pse kjo është më afër që ato të njihen (se nuk janë rrugaçe) e të mos ofendohen. Allahu fal gabimet e kaluara, Ai është mëshirues.” (Ahzab: 59)
Bekir Halimi
—————————-
[1] Ahmedi
