Pyetja:
A ka qenë e banuar toka para krijimit të Ademit,paqja qoftë mbi të?
***
Përgjigjja:
Nuk dimë ndonjë argument prej Kuranit apo Sunetit që të na tregojë se a ka qenë apo jo toka e banuar para Ademit,paqja qoftë mbi të. Vetëm se tregohet nga disa prej të parëve tanë të mirë (es-selefu salih) që kanë thënë: “tokën e kanë banuar xhindët para krijimit të Ademit,paqja qoftë mbi të”, e ndoshta kjo thënie e tyre është e saktë. Allahu e di më së miri.
Ibn Kethiri -Allahu e mëshiroftë- në shpjegimin e tij të Kuranit e ka shpjeguar këtë gjërë e gjatë ku ka shpjeguar fjalën e Allahut në suren Bekare: “E kur Zoti yt u tha melaikeve se do të krijonte zëvendës në tokë”, ndaj ju sugjerojmë që të ktheheni dhe ta lexoni atë.
[Komisioni i përhershëm për studime akademike dhe fetva]
Përktheu: Ylli Rama
