Pyetja:
A është gjynah të i heqim qimet e këmbës … njoh shumë njerëz sidomos futbollista të cilët heqin qimet e këmbëve për arsyje personale. Unë luaj futboll dhe shumë shokë të mijë i heqin qimet në këmbë, a lejohet kjo?
***
Përgjigjja:
Qimet në trupin e njeriut, në përgjithësi, mund të ndahen në tre grupe, edhe atë:
1)Qime që jemi të porositur t’i hekim. Këtu bëjnë pjesë qimet e nënsjetullave dhe qimet në disa pjesë tjera të trupit;
2)Qime që jemi të porositur mos i hekim. Këtu bëjnë pjesë qimet e vetullave;
3)Qime për të cilat nuk ka porosi as për t’i hekur e as për mos t’i hekur. Këto quhen “meskut anha”(për të cilat nuk është folur, apo është shuar). Këtu bëjnë pjesë qimet e këmbëve, krahëve.

Këto qime, sipas mendimit më të drejtë të dijetarëve, lejohen të hiqen, ngase nuk ka ndonjë argument konkret që e ndalon. I Dërguari i Allahut ﷺ ka thënë: ”Hallall është ajo që e ka lejuar Allahu në librin e Tij, haram është ajo që e ka ndaluar Allahu në librin e Tij, e ajo për të cilën ka heshtur, është e falur nga ana e Allahut”. [1]

Në librin e Allahut, dhe as në sunetin e Pejgamberit ﷺ, nuk ka argument që ndalon heqjen e qimeve të këmbës dhe të pjesëve tjera të trupit për të cilat nuk ka ndalesë. Për atë, nuk ka pengesë që të hiqen qimet e këmbëve.

Dijetarët theksojnë se kjo nuk duhet të bëhet me qëllim që mashkulli tu ngjajë femrave, nëse eventualisht dikush mund ta ketë këtë qëllim me heqjen e qimeve të këmbëve apo të pjesëve tjera të trupit.

Me këtë rast, nuk e shoh shumë të rëndësishme që të përmendet se disa e kanë ndaluar heqjen e qimeve të këmbëve me pretekst se me këtë, ndryshohet krijatura e Allahut. Por, ky shpjegim është jo i drejtë dhe jo i mbështetur në argumente, për atë edhe nuk ngre peshë të përmendet.

Allahu e di më së miri.

Bashkim Aliu

———————————–

[1] Tirmidhiu hasen-i mirë

ARTIKUJ TË NGJASHËMMË SHUMË NGA AUTORI