A e prish abdesin dalja e lëngut të bardhë apo të verdhë tek femrat?

Po nëse rrjedh me ndërprerje ç’duhet të bëje gruaja, pasi pjesa dërmuese e grave,sidomos ato të arsimuarat, e konsiderojnë këtë lagështirë diçka të natyrshme dhe, sipas tyre, nuk duhet të merrët abdest pas daljes së tij?

***

Përgjigjja:

Pas një studimi të hollësishëm të kësaj çështjeje, arrita në përfundim se nëse ky lëng rrjedh nga mitra e gruas, e jo nga organet urinore, atëherë ai është i pastër, por kjo gjë, d.m.th. pastërtia e lëngut, s’do të thotë se nuk duhet te merret abdest pas daljës së tij, pasi nuk është kusht që ajo gjë që e prish abdestin të jetë e papastër,siç është rasti i gazrave.

Andaj, nëse gruaja sheh këtë lloj lëngu, duhet të marrë abdest përsëri.
Nëse rrjedhja e këtij lëngu është e vazhdueshme, atëherë abdesti i saj nuk prishet, por ajo duhet të marrë abdest pas hyrjes së kohës së çdo namazi dhe mund të fale, gjatë asaj kohë, namaze farze apo sunete,ashtu siç mund të lexoje edhe Kur’an.

Gjithashtu, ajo duhet të kujdeset që të vendose diçka në brendësi të vendit nga ku rrjedh lëngu,në menyrë që të pengojë daljen e tij.

Dijetarët thonë se kështu duhet të veproje edhe ai person që vuan nga rrjedhja e përhershme e urinës.

Nëse rrjedhja e lëngut bëhet me ndërprerje dhe ajo është e sigurt se rrjedhja do të ndërpritet para mbarimit të kohës së namazit, atëherë duhet ta shtyeje namazin deri në fund të kohës së tij.

Nëse ka frikë se mos mbaron koha e namazit, atëherë duhet të marrë abdest dhe të vendosë diçka për të penguar daljen e lëngut nga organet seksuale.

Përsa i përket sasisë së këtij lëngu, duhet të kemi parasysh se nuk ka ndryshim nëse rrjedhja bëhet në sasi të mëdha, apo të vogla.

Abdesti prishet në të dy rastet, sepse plotësohet një nga kushtet e prishjes së tij siç është dalja e diçkaje, në këtë rast e lëngut nga organet seksuale.

Përsa i përket mendimi të përhapur të shumë gra, se dalja e këtij lëngu nuk e prish abdestin, une nuk kam degjuar ndonjë dijetar që të thotë këtë gjë,përveç Ibën Hazmit, i cili është i mendimit se dalja e këtij lëngu nuk e prish abdestin, mirëpo ai nuk përmend ndonjë argument nga Kur’ani apo Suneti që të mbështesë mendimin e tij.

Andaj gratë duhet të kenë frikë Allahun, dhe t’i kushtojnë kujdesin e duhur pastërtisë së tyre, sepse namazi i falur pa pastrimin e duhur nuk është i pranuar edhe nëse falet njëqind herë.

Pyetje 2: Nëse gruaja, prej së cilës rrjedh ky lëng pandërprerje, merr abdest për të falur një namaz farz, a i lejohet asaj që të fale namaze sunete apo të lexoje Kur’an me të njëjtin abdest, derisa të hyje koha e namazit tjetër?

Përgjigje: Nëse merr abdest në fillim të kohës, asaj i lejohet që të fale namaze sunete apo të lexojë Kur’an derisa të hyje koha e namazit tjetër.
Pyetje 3: Nëse gruaja, tek e cila rrjedhja e lëngut bëhet me ndërprerje,merr abdest dhe menjëherë pas kësaj rifillon rrjedhja e lëngut,si duhet të veprojë ajo në këtë rast?

Përgjigje: Kur rrjedhja e lëngut bëhet me ndërprerje, gruaja duhët të presë derisa të vije koha e ndërprerjes.

Mirëpo, nëse rrjedhja dhe ndërprerja e lëngut nuk bëhet në mënyrë të rregullt,d.m.th. njëherë rrjedh e njëherë jo, atëherë ajo duhët të marreë abdest në fillim teë koheës së namazit dhe të falet.

Pyetje 4: Ç’duhet të bëjë gruaja nëse ky lëng prek trupin apo rrobat e saj?

Përgjigje: Nëse lëngu është i pastër, gruaja nuk ka për detyrë të bëjë asgjë.
Nëse është i papastër, d.m.th. neëse del nga fshikëza e urinës, ajo duhet ta laje atë.

Pyetje 5: Përse nuk është transmetuar ndonjë hadith nga Pejgamberi,salAllahu alejhi ve selem, që tregon së lëngu në fjalë e prish abdestin, po të kemi parasysh rëndesinë e madhe që u jepnin grate e asaj kohë pyetjëve rreth çështjeve të fesë?

Përgjigje: Sepse ky lëng nuk del te të gjitha gratë.

Shejh Ibn Uthejmin, “Pyetje dhe Përgjigje”