Pyetja:
Pse të shpërndajmë sadaka?
***
Përgjigjja:
Falënderimi i takon Allahut. Paqja dhe bekimet e Allahut qofshin mbi të Dërguarin e Tij, Muhamedin ﷺ.
Në një hadith kudsij, Pejgamberi ﷺ thotë se Allahu ka thënë: “Jep që të jap..”
Allahu i Madhëruar thotë: “S’ka dyshim se ata që japin lëmoshë (sadaka) dhe që sinqerisht japin për hir të All-llahut, atyre u shumëfishohet dhe ata kanë shpërblim të madh.” (Hadid: 18)
Enes ibn Maliku përcjell se Pejgamberi ﷺ ka thënë: “Me të vërtetë, sadakaja e shuan hidhërimin e Allahut dhe mbron prej një vdekjeje të shëmtuar.” [1]
Hudhejfe tha: “Unë e kam dëgjuar të Dërguarin e Allahut ﷺ duke thënë: “Fitnet e njeriut në familjen, pasurinë dhe fqinjët e tij shlyhen nga namazi, agjërimi dhe sadakaja e tij.” [2]
Përmes sadakasë, të pasurit e pastrojnë pasurinë e tyre, ndërsa të varfërve ju lehtësohet gjendja e vështirë financiare.
Hoxhë Sulltan Pajaziti
————————
[1] Tirmidhiu
[2] Buhariu
Comments are closed.